Gizartean bizi garen izakiak gara, hori dela eta giza-trebetasun egokiak edukitzeak gure bizitza errez dezake.

Gizarte egoera zehatz batean pertsona batek bere sentimenduak, desioak, iritziak… adierazteko, beti ere besteenak errespetatuz, sortzen dituen erantzunak dira giza trebetasunak. Gizarte mailan trebea den pertsona besteekin dituen zailtasunei aurre egiten die arazo berriak sortzearen probabilitatea murriztuz.

Besteekin daukagun harremanetik abiatuta gure giza-trebetasunak garatzen eta hobetzen ditugu , baina irakaskuntza hau ez da bezain erreza guztiontzako horregatik , batzuek ikasketa prozesu horretan laguntza beharko dute.

Giza-trebetasunen beste alor bat asertibitatea da. Horri esker besteen aurrealdean geure eskubideak defendatzen ditugu agresiboak edota pasiboak izan gabe.

Giza –trebetasunen edota asertibitatearen gabeziak edo garapen urriak jasaten dituen pertsonaren bizi kalitatea murrizten dute eta autoestimu arazoak eta gizarte isolamendua… besteak beste ekar ditzakete. Trebetasun hauek hobetzeko programa bat martxan jarri aurretik kasuko ebaluazio egoki bat ezinbestekoa da, garatu gabeko trebetasunak identifikatzeko eta horien hobekuntzarako dagokion estrategia diseinatzeko.

reto.

Zubibarri Kalea 18
20560 Oñati
Gipuzkoa

TELF: 943 78 31 09

MUGIKORRA: 688 691 495